El Gobierno de Asturias reafirma su compromiso con la cultura y el deporte con un presupuesto récord de más de 70 millones

La consejera de Cultura, Política Llingüística y Deporte, Vanessa Gutiérrez, ha presentado hoy en la Junta General el proyecto de presupuestos de su departamento para 2026, que asciende a más de 70 millones, siete más que en el ejercicio anterior. Desde 2019, el incremento acumulado es de 34 millones. “Estos presupuestos son la traducción económica de una política que sitúa a las personas en el centro y mide su éxito por la capacidad de llegar a cada concejo, a cada creadora, a cada club y a cada familia”, ha afirmado la consejera.

Gutiérrez se ha pronunciado sobre la futura Ley de Cultura y Identidá d’Asturies, una norma pionera que garantizará los derechos culturales de la ciudadanía sobre tres pilares: el derecho a crear, a participar y a acceder. El texto legal, que la consejería prevé presentar próximamente, estructurará el sistema público de cultura y reforzará la protección del patrimonio material e inmaterial, para que todas las personas, con independencia de su lugar de residencia o situación, puedan disfrutar de una oferta cultural amplia, plural y de calidad.

•    Cultura tradicional: una apuesta para preservar la identidad

La cultura tradicional contará con 2,3 millones, destinados a la restauración de hórreos y paneras, la protección del patrimonio etnográfico y la creación de los premios de cultura tradicional. La consejera ha avanzado que se celebrará por primera vez en Asturias el Festival de Máscara Ibérica, que pondrá en valor estas representaciones como Bien de Interés Cultural, junto al teatro popular, las danzas tradicionales y la cultura de la gaita. Además, se crean nuevas líneas de ayuda a las escuelas de música tradicional, dotadas con 200.000 euros, a las que podrán optar tanto las de titularidad municipal como las que están impulsadas por asociaciones, todas ellas esenciales para transmitir el legado cultural a las nuevas generaciones. Al mismo tiempo, se refuerzan los circuitos culturales vinculados al sector tradicional y se crea uno nuevo dedicado a la cultura sidrera con una partida de 100.000 euros.

•    Política llingüística

El área de la Política Llingüística contará con 3,2 millones, un 86 % más que en 2019. Entre las acciones más destacadas anunciadas por Vanessa Gutiérrez está la puesta en marcha una estratexa del asturiano y el eonaviego, así como el refuerzo a los servicios de normalización en 36 concejos, que abarcan casi el 60 % de la población asturiana, y la ampliación del programa formativo Falamos, que ya supera el millar de inscripciones en cursos en línea. Además, se destinan por primera vez 50.000 euros a la Rede de Normalización Llingüística y otros 20.000 a la Fiesta de la Oficialidá de Bimenes, símbolo del compromiso con los derechos lingüísticos.

La normalización de las lenguas propias también avanza en el ámbito empresarial. El presupuesto de 390.000 euros consolida las ayudas a empresas y sectores estratégicos como el editorial y los medios de comunicación, y en 2026 se entregarán por primera vez los Premios Alfaya, que reconocerán a compañías comprometidas con el uso del asturiano y el eonaviego. Además, se mantendrán espacios de encuentro como el Reguerada Fest y el Xuntoiro, que fomentan la visibilidad y el uso real de las lenguas en la vida económica y cultural.

•    Acción cultural: nuevas instituciones y más oportunidades

La acción cultural dispondrá de 18,5 millones para impulsar nuevas instituciones que marcarán la próxima década: la Axencia de les Industries Culturales, la Filmoteca d’Asturies, la Rede de Teatros y Auditorios d’Asturies y el Observatorio del Cortometraje, de ámbito estatal, además del apoyo a las industrias culturales y creativas, que multiplican por más de doce su presupuesto respecto a 2019 y llegarán a los 3 millones de euros el próximo ejercicio.

En este sentido, también se reorganizan los programas Asturies, Cultura en Rede, a los que el Ejecutivo dedica 1,74 millones y que en 2025 ya han superado las 1.200 actividades programadas por todo el territorio asturiano, y se incorporan nuevas líneas para profesionalizar el sector y ampliar la oferta cultural en toda la comunidad.

•    Más inversión en equipamientos

Los equipamientos culturales son una pieza clave en el engranaje cultural asturiano. Por ello, la consejería incluye en el presupuesto inversiones destacadas en el Museo Arqueológico, en el Museo de Bellas Artes de Asturias, para el que hay consignados 2.300.032 euros, un 52 % más que en 2019; en el Centro Niemeyer, que contará con 1.350.000 euros en 2026; o en LABoral Centro de Arte y Creación Industrial, que llega al millón. En este último caso, hay que sumar otros 500.000 euros destinados a la mejora de sus estudios de música y audiovisuales, que se rehabilitarán y estarán, de nuevo, al servicio de la comunidad artística.

El presupuesto refuerza también la actividad sinfónica con un incremento significativo para la Orquesta Sinfónica del Principado de Asturias (OSPA), que alcanza los 7,1 millones y consolida su papel como institución cultural de referencia y garantiza una programación estable y de calidad.

La cuantía para el patrimonio cultural alcanza 6,18 millones, con los que se consolidan planes en arte rupestre, cultura castreña y prerrománico, con actuaciones en la cueva de Tito Bustillo, los castros incluidos en el Plan de la Cultura Castreña o el entorno del Naranco, entre otros.

•    Actividad Física y Deporte: el doble que en 2019

El deporte, concebido como un derecho y una herramienta de salud pública, contará en 2026 con 25 millones, por lo que dobla su presupuesto respecto a 2019. Esta dotación beneficiará al conjunto de la ciudadanía asturiana, sin exclusiones, y se traduce en más recursos para la práctica deportiva, la igualdad y la cohesión territorial.

Los Juegos Escolares han alcanzado esta temporada una participación de 39.885 niñas y niños en 37 modalidades, y elevan su presupuesto en 2026 a 700.000 euros, con la incorporación de medidas contra el acoso y premios a los valores deportivos. Las federaciones territoriales dispondrán de 1,5 millones, un 150 % más que en 2019, y los clubes de alto nivel recibirán 1,2 millones, triplicando la cifra de ese mismo año. Se refuerzan también los reconocimientos al alto rendimiento, que pasan de 35.000 euros en 2025 a 150.000 euros en 2026.

Por su parte, el deporte tradicional recibe un impulso sin precedentes: 100.000 euros, cuatro veces más que en 2019, para preservar la identidad y fomentar disciplinas como los bolos. Las subvenciones a eventos deportivos alcanzan 350.000 euros, frente a los 57.000 de 2019.

En infraestructuras, el presupuesto para instalaciones deportivas asciende a 11,55 millones, con mejoras en El Cristo, Trasona y Brañagallones, además de 600.000 euros para un nuevo campo de fútbol en El Franco. También se habilitará cuatro veces más financiación para infraestructuras deportivas en concejos menores de 10.000 habitantes, que pasan de 50.000 a 200.000 euros en 2026. También se refuerzan las estaciones invernales y de montaña: 2,33 millones para Fuentes de Invierno y 5,26 para Valgrande-Pajares, que avanza en su modernización y diversificación de usos. “No hay mayor patrimonio que la vida. Por eso hablamos de cultura y deporte como bienes esenciales que debemos garantizar”, ha concluido Vanessa Gutiérrez.

Miércoles 10 d’avientu del 2025

El presupuestu demuestra’l compromisu del Gobiernu d’Asturies cola promoción del deporte: algama la cantidá récord de 25 millones, más del doble que nel 2019

• Les subvenciones a les federaciones xuben a 1,5 millones y el sofitu a los clubes de nivel altu medra hasta 1,2
• El Principáu acuta 100.000 euros pa crear les Unidaes Actives d’Exerciciu Físicu, que van fomentar vezos saludables en persones derivaes del sistema sanitariu
• L’Executivu incluye 600.000 euros pa un campu de fútbol nuevu n’El Franco que va dar serviciu a la comarca occidental
• Les cuentes van dexar poner en marcha instituciones como la Filmoteca d’Asturies, la Rede de Teatros y Auditorios, el Observatoriu del Curtiumetraxe y les residencies del Faru de Tapia
•  Vanessa Gutiérrez: “Estes cuentes prueben tanto la fortaleza del nuestru compromisu cola sociedá como l’ánimu d’ameyorala”

El presupuestu autonómicu del 2026 incluye 25 millones pa promocionar l’actividá física y el deporte, más del doble de la cantidá asignada nel 2019, cuando Adrián Barbón asumió la presidencia del Principáu. Esti aumentu progresivu y sosteníu de los recursos ye inclusive mayor nes subvenciones pa les federaciones deportives, que van llegar a 1,5 millones, un 150 % más que nel 2019.

Vanessa Gutiérrez, titular de Cultura, Política Llingüística y Deporte, presentó güei les cuentes del so departamentu. “Prueben tanto la fortaleza del nuestru compromisu cola sociedá como l’ánimu d’ameyorala. La única forma de demostrar qu’esi compromisu ye auténticu ye la llei de presupuestos.  Por eso, estes cuentes enllénennos de fuercia, arguyu y dignidá, como merecen los valores que defendemos”, señaló.

La conseyera, que resumió dalgunes de les llinies principales del proyectu, destacó’l refuerciu presupuestariu del deporte. Amás de resaltar la medría continua de los recursos destinaos a estes polítiques, señaló exemplos concretos. Asina, l’aumentu de les subvenciones pa les federaciones va dexar llegar a más del 92 % de les persones federaes n’Asturies.

Tamién medra’l sofitu a los clubes de nivel altu. Nesti casu, la xuba ye entá mayor: va pasar de los 275.000 euros del 2019 a 1,2 millones l’exerciciu viniente. Con estos recursos, va favorecese l’afitamientu de proyectos, l’arraigu del talentu y la xeneración de referentes pa la mocedá.

El deporte tradicional va recibir un impulsu relevante. La dotación xube a 100.000 euros, bien percima –cuatro veces más– que los 23.000 del 2019. Otra manera, les ayudes pa reconocencies al nivel altu y al rindimientu altu xuben a 150.000 euros, frente a los 35.000 que se destinaben anguaño, y la inversión n’eventos deportivos xube hasta 350.000 euros.

El presupuestu en materia de deportes tamién incluye novedaes. Incorpora pela primer vez una partida específica pal impulsu de les Unidaes Actives d’Exerciciu Físicu (UAEF), dotada con 100.000 euros. Atendíes por profesionales colexaos en Ciencies de l’Actividá Física y del Deporte, van ufiertar evaluación, programación y acompañamientu a persones derivaes dende’l sistema sanitariu pa introducir l’exerciciu físicu como vezu saludable. Asturies cunta yá con ocho unidaes d’esta mena nos conceyos d’El Franco, Siero, Xixón, Samartín del Rei Aurelio, Castropol, Santalla d’Ozcos, Gozón y Grau, que van recibir 12.500 euros caúna l’añu que vien. Amás, tán previstes convocatories nueves pa que más conceyos puedan sumase a esta rede.

Les instalaciones deportives afiáncense como otra exa fundamental, al pasar de 6.293.705 euros nel 2019 a 11.554.683 nel 2026. Ente les actuaciones previstes destaca una partida de 2,3 millones pa la estación de Fontes d’Iviernu, n’Ayer; les meyores nel refuxu de Brañagallones, en Casu, por valor de 640.369 euros; la modernización de les instalaciones d’El Cristo n’Uviéu, con 1.365.258 euros, el refuerciu del Centru de Tecnificación Deportiva de Tresona, en Corvera, con 735.139 euros, o la inversión prevista nel polideportivu Juan Carlos Beiro en Llangréu, con una cuantía de 341.785 euros.

De la mesma manera, l’Executivu va invertir 600.000 euros nun campu de fútbol nuevu n’El Franco que va dar serviciu a la comarca. De forma complementaria, cuadruplícase’l financiamientu pa infraestructures deportives en conceyos de menos de 10.000 habitantes, que pasa de 50.000 a 200.000 euros, cola mira de reforciar la equidá territorial y garantizar instalaciones dignes en toa Asturies.

Otres exes del presupuestu son:

• Inversión n’equipamientos culturales

Nel 2026, los equipamientos culturales van cuntar con 18.660.847 euros, un 13,53 % más, pa reforciar el so funcionamientu y les sos instalaciones.

Asina, el Centru Niemeyer va cuntar con 1,35 millones, un 17 % más que nel 2025. Amás, los fondos pa Llaboral Centru d’Arte y Creación Industrial van superar el millón, al que se van sumar otros 500.000 euros pa la renovación de los llaboratorios audiovisuales.

• Creación d’instituciones nueves

El presupuestu d’Acción Cultural xube a 18.545.277 euros. Esta cuantía va dexar impulsar instituciones nueves que van marcar la década cultural futura n’Asturies, como la Filmoteca d’Asturies, la Rede de Teatros y Auditorios del Principáu d’Asturies (RETEA), l’Observatoriu del Curtiumetraxe, d’ámbitu estatal, y les residencies artístiques del Faru de Tapia. El refuerciu va beneficiar tamién a la Cinemateca y la Cinemateca Ambulante, a les residencies del Centru de Recursos Escénicos y a les muestres sectoriales Escena en Rede y Música en Rede, ente otros, ferramientes esenciales de profesionalización y vertebración cultural.

• Industries creatives

Les industries culturales y creatives van disponer de daqué más de trés millones, un 1.192 % más que nel 2019, p’afianzase como ún de los motores estratéxicos del sector. Destaca sobre manera l’aumentu de les llinies vinculaes al cine y al ámbitu audiovisual, que van xubir a 1.831.000 euros, un 55 % más qu’anguaño. Los circuitos d’Asturies, Cultura en Rede reorganícense y el so financiamientu algama 1.745.000 euros, lo que supón una xuba d’alredor del 19 %. Tamién s’incrementen les ayudes a festivales y a la participación en feries, que sumen 450.000 euros. Como novedá, incorpórase un circuitu nuevu dedicáu a la cultura sidrera, que va cuntar con 100.000 euros.

• Patrimoniu

El presupuestu pa patrimoniu algama los 6,18 millones, un 65 % más que nel 2019. Esta asignación, que va afitar les grandes llinies d’inversión n’arte rupestre, cultura castreña y prerrománicu, incorpora tamién 1,28 millones pa subvenciones, lo qu’implica una medría del 343 % al respective del 2019. Destaca la creación d’una llinia específica pa la protección de los llagares tradicionales asturianos, dotada con 50.000 euros, y el refuerciu de les ayudes a investigaciones arqueolóxiques y a la divulgación del patrimoniu material y inmaterial.

• Protagonismu de la cultura tradicional

Asturies va acoyer pela primer vez nel 2026 el Festival Ibéricu de Mazcaraes, al que se destinen 85.000 euros. L’añu que vien tamién se van crear los Premios a la Cultura Tradicional Asturiana, dotaos con 18.600 euros.

La cultura sidrera va ser exa d’un espaciu nuevu de collaboración cola Universidá d’Uviéu, al que se destinen 30.000 euros. Amás, les actuaciones arqueolóxiques esperimenten un saltu históricu, con un presupuestu global de 1,85 millones, frente a los 50.000 euros del 2019. Estos fondos van facer posible caltener proyectos emblemáticos y incorporar investigaciones nueves como les de Molleda, en Corvera.

Actividaes culturales y deportives en tol territoriu

Les cuentes de Cultura incluyen inversiones n’equipamientos culturales y deportivos de toa Asturies, d’oriente a occidente, cola mira de favorecer la cohesión territorial. Les asignaciones previstes van dexar reforciar biblioteques y museos, ameyorar circuitos culturales, modernizar instalaciones deportives y afianzar les industries culturales pa garantizar en tol territoriu actividá cultural y deportiva.

Trátase d’un presupuestu de progresu, dirixíu a ampliar derechos, y que sofita a les persones que creen, investiguen, enseñen, entrenen y compiten. Al tiempu, protexe’l patrimoniu y la memoria, tanto material como inmaterial, impulsa’l talentu y asegura l’accesu a la cultura y al deporte. Esta ye una muestra del sofitu y la consideración fundamental d’esta área pal gobiernu que lidera Adrián Barbón.

El refuerciu d’instituciones, l’ampliación de redes culturales, la modernización d’equipamientos, la profesionalización de los sectores y la promoción de los derechos culturales en tolos ámbitos constituyen la base d’un proyectu diseñáu p’avanzar como sociedá.

INTERVENCIÓN DE LA CONSEYERA DE CULTURA, POLÍTICA LLINGÜÍSTICA Y DEPORTE, VANESSA GUTIÉRREZ

Presentación del proyecto de presupuestos para 2026

 Comparezo énte ustedes, acompañada polos directores xenerales, el secretariu xeneral técnicu, el director-xerente del Centru Niemeyer y la directora del Muséu Arqueolóxicu, pa presentar el proyectu de presupuestos de la Conseyería de Cultura, Política Llingüística y Deporte pal añu 2026. Un presupuestu qu’asciende a más de 70 millones d’euros: 7 más, que’l del añu que despidimos y que cuenta con una execución a día d’hoi del 84 por cientu.

Un presupuestu qu’impulsa y desarrolla la planificación comenzaba pol Executivu d’Adrián Barbón dende qu’esti llega al Gobiernu nel añu 2019, cuando los departamentos qu’integren l’actual Conseyería cuntaben con una presupuestu de 36 millones d’euros. Permítanme qu’insista nesi datu, porque nun ye menor: son 34 millones d’euros d’incrementu en 7 años, que vinieron amás acompañaos d’una extratexa integral de redefinición de les polítiques que se veníen desplegando hasta la fecha p’axustales a les necesidaes de los sectores y a les demandes de la ciudadanía, poniendo en marcha de forma progresiva acciones nueves y que'l próximu añu va a encarar la redefinición del sistema de xestión p’actualizalu al momentu actual y optimizar la xestión en términos d’eficacia y eficiencia. 

Como saben, la Conseyería trabaya pa presentar énte esta Cámara lo más pronto posible la Llei de Cultura y Identidá d’Asturies. Una norma pionera qu’afronte nel mesmu testu articuláu tanto la protección de los derechos culturales de la ciudadanía como la so garantía mediante la estructuración del sistema públicu de cultura na nuestra comunidá. Concebida sobre tres conceptos fundamentales: el derechu a crear, el derechu a participar y el derechu a acceder. Una llei pensada por y pa les persones: les que nos precedieron y nos legaron una rica tradición cultural, con un gran patrimoniu material y inmaterial que debemos de forma urxente preservar. Les qu’anguaño conformen la sociedá asturiana: diversa, comprometida, integradora y solidaria. Y les futures, a les que debemos entregar memoria, tradición, vocación de futuru y posibilidaes de porvenir.

Esta llei, frutu d’una reflexón profunda y de la escucha, ye’l frutu d’un proyectu políticu sólidu que cree na cultura y na actividá física y el deporte como bienes esenciales a los que tien derechu la sociedá, y que, col oxetivu d’impulsalos y garantizar el so accesu, lleva trazao, dende l’añu 2019, una planificación que, añu a añu, se va desarrollando, en forma d’estratexa.

Déxenme que comience poniendo-yos dalgún exemplu nel área d’acción cultural. Una directora de cine, por dicir, llamada María, nel añu 2019 encontrábase con que en materia de Cultura tenía una llinia de subvenciones a la que poder optar, la que taba dirixida a proyectos d’actividaes culturales d’interés rexonal. Esta llinia de subvenciones cuntaba con una financiación total de 61.000 euros. Y al presentase a la convocatoria facíalo en concurrencia con proyectos de lo más diverso: la grabación, producción, edición y promoción d’un discu; una xira internacional d’una compañía teatral; una revista dixital; l’asistencia a una feria d’arte; la organización d’un festival; dos conciertos o un taller de rexiduría. 

Nesa convocatoria, María podría recibir -y digo una cifra real-, 4.320 euros pal proyectu d’una película. Y un datu que tamién tien relevancia pa l’artista: la convocatoria de les ayudes a les que se presentó publicóse un 25 de marzu y el 18 d’ochobre supo definitivamente si tenía concedida o non la subvención, mesa amplia concurrencia por un total, como digo, de 61.000 euros. 

Hoi, nel proyectu de presupuestos que-yos presentamos, María puede concurrir a una llinia de subvenciones pa empreses esclusivamente del sector audiovisual que ta dotada d’un presupuestu históricu de 1.000.000 d’euros. Esta llinia, qu’en 2025 taba dotada de 450.000 y que fue convocada anticipadamente pa una meyor planificación de los creadores el 30 d’avientu de 2024, yá fixo que’l proyectu d’una película recibiere 26.700 euros; la escritura d’un guion 12.000; o 900 l’asistencia a una feria. Resolución que se conoció un 4 de xunetu, pudiendo asina organizar meyor la planificación anual y la so financiación. Pero ye más, si esa directora lo prefier, porque tien un proyectu n’asturianu, puede optar a otra llinia de subvenciones pa proyectos audiovisuales nesta llingua dotada de 150.000 euros o al premiu de guiones pol que puede recibir 6.000 euros.

Y, complementariamente, puede participar de los circuitos culturales que recorren Asturies y que pa 2026 incrementen la so financiación con un presupuestu total de 1.745.000 euros, introduciendo novedaes como una reserva de créditu específica de 50.000 pa la danza y les artes esperimentales, dientro del circuitu d’artes escéniques, como una manera de dignificar y difundir esti llinguaxe singular dientro del ámbitu cultural.

Pero volvamos con María, que va poder participar nos circuitos que s’organicen per sectores de la cultura o per temátiques, como ye’l de la cultura tradicional o, tal vez, si la so obra aborda dalgún aspectu de la cultura sidrera, pueda sumase al nuevu circuitu que se va a crear con una financiación de 100.000 euros.  Y tamién puede presentase a la Xira Didáctica, el circuitu cultural impulsáu esti 2025 destináu al públicu escolar y que pal próximu añu va incrementar la so dotación a 120.000 euros. María tamién puede asistir a festivales como’l de Málaga de la mano de la Film Commission, como se fixo en 2025 per primer vez con un estand dedicáu al cine d’Asturies, o al festival internacional de cine de Xixón, que financiamos con 95.000 euros. Puede desarrollar el so proyectu nel FilmLab de Sodeco al que la Conseyería aporta 70.000 euros anuales; participar de los festivales que se financiacien cola llinia que pa 2026 cuenta con 451.000 euros o cola de proyectos singulares con especial incidencia nel mediu rural que dotamos con 300.000 euros. Y seguro qu’a María-y va a interesar saber qu’esti proyectu de presupuestos contempla la puesta en marcha de la Filmoteca d’Asturies, del Observatoriu del Curtiometraxe o la Rede de Teatros y Auditorios del Principáu d’Asturies que más adelante, cuando la llei s’apruebe, s’integrarán na Axencia de les Industries Culturales.

A esto nos referimos, señoríes, cuando falamos de los derechos a crear, a participar y a acceder a la cultura. Cuando afirmamos que redefinimos la política cultural. Y cuando-yos pidimos apoyar unos presupuestos pensaos por y pa les persones, nuna estratexa progresiva y en permanente revisión y meyora pol desarrollu del sector y pal disfrute de la ciudadanía.

Asina, que cuando-yos presentamos hoi’l proyectu de presupuestu pa 2026 de la Dirección Xeneral d’Acción Cultural y de Normalización Llingüística, que sube un 15,7 % sobre’l de 2025, y suma 18,5 millones d’euros, lo que planteamos ye reforzar un sector qu’aporta un retornu económicu significativu al nuesu territoriu, con un efectu multiplicador que se pue cifrar ente 1,75 por cada euru invertíu. Retornu que s’estima qu’incrementa hasta los 8 – 10 euros nes ciudaes que son Capitales Europees de la Cultura. Y nun hai qu’escaecer que’l gobiernu asturianu participa con una fuerte inversión pa qu’Uviéu seya en 2031 Capital Europea de la Cultura, aumentando la dotación presupuestaria que ponemos a disposición del conceyu a 800.000 euros. La Capitalidá Europea de la Cultura ye, tamién pa esti gobiernu, un tema prioritariu, y asina lo quiero destacar dende esti mesmu momentu, sorrayando que, más allá d’esta financiación directa, la política cultural que ta desarrollando l’executivu autonómicu tien una incidencia directa nel proyectu d’esta candidatura. 

La inversión -nun olvidemos que tanto la cultura como’l deporte son una inversión- allíniase colos oxetivos estratéxicos de desarrollu local, la cultura sostenible y la cohesión social. Una inversión que repercute nun mayor númberu d’actividá, sobremanera en zones con riesgo de despoblación; repercute n’empleabilidá del sector y en profesionalización; y nello va afondar el presupuestu que se presenta, onde, solo les ayudes a empreses del sector cultural ascienden 2,25 millones. 

Buena prueba de los resultaos d’estes polítiques tenémosla nel programa de los circuitos d’”Asturies Cultura en Rede”: en 2025, a falta de zarrar tovía l’añu, contamos con 1.234 actividaes programaes per toa Asturies. 

Señores diputaos, falemos agora de la nuestra singularidá cultural, pilar de la nuestra identidá y del nuestru patrimoniu, como ye la nuestra riqueza llingüística afitada sobre dos llingües propies: l’asturianu y l’eonaviegu.

Destínense nel proyectu de presupuestos de forma directa 3,2 millones d’euros. Si comparamos col presupuestu de 2019, la suba ye del 86 %. 
Con esta dotación queremos facer frente a les polítiques de dignificación que tenemos en marcha, y qu’a lo llargo de 2026 van concretase nuna estratexa específica tanto pal asturianu como pal eonaviegu. Porque ye la firme voluntá d’esti gobiernu siguir trabayando a favor de los derechos llingüísticos de los falantes de les llingües propies y eso tamién pasa pela potenciación d’un instrumentu fundamental: el de los servicios de normalización, a los qu’aumentamos el presupuestu un 20 %, que se consolidándolos como axentes dinamizadores de la normalización nos conceyos, y que son pa esta Conseyería elementu fundamental pa que la política de normalización llingüística se vertebre nel territoriu, dao que 36 conceyos cuenten con serviciu o oficina de normalización, abarcando casi’l 60 % de la población asturiana. Pa con ello, esti 2026 destinamos una partida de 50.000 euros, per primer vez, a la Rede de Normalización Llingüística, l’instrumentu de coordinación que tien en marcha’l Principáu xunto colos conceyos y la propia Universidá d’Uviéu, pa la organización d’actividaes comunes de la Rede. Y al falar de conceyos, permítanme destacar pol so compromisu col idioma, al conceyu que’l 1997 declaró en plenu la oficialidá del asturianu, celebrando simbólicamente dende entós una fiesta qu’a partir d’esti presupuestu va cuntar con un apoyu per parte de la Conseyería d’una aportación de 20.000 euros.

Per otra parte, reforzamos con una suba del 14 % l’ayuda a la Federación Asturiana de Conceyos pa que creza’l Plan Falamos de deprendizaxe non regláu d’asturianu y eonaviegu que tenemos en marcha de manera coordinada la Federación y el Principáu. Nesti 2025 punxéronse en marcha 16 cursos en 13 conceyos con 196 persones matriculaes. Pero tamién se punxeron en marcha 29 ediciones en llinia, 7 pa eonaviegu y 22 p’asturianu, inscribiéndose, anque tovía son procesos abiertos, un total de 1.026 persones, casi’l 80 % conectándose dende Asturies y el 20 % dende fuera.

Mui importante tamién pa la normalización social de les nuestres llingües propies son les acciones destinaes al usu de les mesmes nel ámbito de la empresa. Por eso, consolidamos les ayudes destinaes a empreses con una dotación de 390.000 euros, o a sectores estratéxicos como l’editorial o los medios de comunicación, nel añu en que se van a entregar per primer vez los distintos Alfaya a les empreses que destaquen pol so compromisu pa colos idiomes propios, de la mesma manera que se van seguir organizando feries y puntos d’encuentru como el Reguerada Fest o’l Xuntoiro.

Y permítanme destacar l’enfotu de la Conseyería por apoyar la nuestra cultura tradicional dende ámbitos diversos: de la protección a la promoción pasando pela creación, pa la qu’en 2026 vamos convocar per primer unes ayudes dotaes con 200.000 euros. Y tamién fundamental: l’apoyu a les escueles de música tradicional, onde se garantiza la tresmisión del gran legáu de la nuestra tradición a les xeneraciones más moces. Como novedá, y cola fin de reforzar estos proyectos esenciales y vitales nel territoriu, creamos unes ayudes dotaes de 200.000 euros en total: 130.000 euros pa les que pertenecen al ámbitu municipal y 70.000 a les que son asociatives, col fin de consolidales.

Mui importante tamién pa la nuestra cultura tradicional ye’l teatru costumbrista o popular que va protagonizar la próxima Selmana de les Lletres, recuperando amás la figura de Taresa Cónsul, la primer muyer conocida autora teatral n’asturianu, a caballu ente’l sieglu XVIII y el XIX. 
Señoríes, fundamentales na preservación de los derechos culturales son les instituciones que los garanticen. Paso agora a detallar el presupuestu de la Dirección Xeneral de Patrimoniu Cultural, qu’asciende a 24.845.516 euros, lo que supón un incrementu del 7,5 %. 
Gustaríame destacar nesti momentu l'importante serviciu que les nuestres instituciones culturales dan a la ciudadanía, frutu d'un bon facer de los profesionales al cargu de los distintos museos, biblioteques, espacios espositivos y archivos, que conformen una rede d'equipamientos distribuyíos por tol territoriu y que no que va d'añu algamen cifres bien notables de visita y usu. Hasta'l mes de payares, 1.425.032 persones usaron los servicios d'estos centros, un 6,81 % más qu'en 2024 poles mesmes feches. 

Nos presupuestos del 2026 destínense a los museos asturianos 11,6 millones d'euros. Aumenten les dotaciones de los grandes museos y centros espositivos asturianos. Nel casu del Belles artes, llégase a los 2.300.032 euros, un 52% más qu'en 2019, de la que prosigue l'ambiciosa ampliación de les sos instalaciones. Nel casu del Centru Niemeyer, destínense 1.350.000 euros, y xúbese l'aportación a Llaboral Centru d'Arte, que llega al millón d'euros y a la que s'añede una tresferencia de 500.000 euros pa meyora de les sos instalaciones, en concreto de la zona d'estudios de música y audiovisual, que va ser rehabilitada y puesta de nuevu al serviciu de la comunidá artística asturiana. Esto tamién interesa y repercute directamente en María.

Gustaríame equí incidir na importancia que nel presupuestu del 2026 tien la inversión en meyora d'instalaciones y equipamientos de los nuestros centros culturales. Trátase d'actuaciones casi siempre invisibles y que pasen desapercibíes, pero que resulten fundamentales pa garantizar la pervivencia y el correctu funcionamientu de los centros. Asina, hai que destacar les importantes intervenciones presupuestaes nel Muséu Arqueolóxicu d'Asturies, en que les sos cubiertes y fachaes va desenvolvese un proyectu de meyora al que se destinen 237.000 euros, o los 350.000 euros que se van a destinar al caltenimientu correutivu de les sos instalaciones de climatización, ensin olvidar los 2.450.000 euros presupuestaos pa la renovación de la so colección permanente de dómina medieval, yá empezada nel 2025 cola restauración de les nueves pieces arqueolóxiques que van pasar a engrosar esta área espositiva y qu'hasta la fecha taben nos almacenes de la institución. El Muséu Arqueolóxicu ye un referente, un llugar central pal mantenimientu y divulgación de la historia asturiana y nél vamos entornar nel 2026, como atestigua'l 1,2 millones d'inversión que de van destinar, escluyíos gastos de personal, lo que supón una alza del 29% al respective de la situación del 2025. 

Al pie d'estos grandes museos y instituciones culturales, vamos siguir impulsando la cooperación colos conceyos en materia museístico, con dos llinies de subvenciones pa meyores n'equipamientu y inversión de los centros de la so titularidá, a les que se destinen 145.000 euros, asina con ayudes específiques a centros como'l Muséu Marítimu de Lluanco, el Muséu de la Minería, el Muséu Evaristo Valle y el Muséu Etnográficu del Oriente, a los que se suman nel 2026 per primera vez l'Ecomuséu de Somiedu, con 10.000 euros d'aportación directa, y el Muséu de la Llechería de Morcín, con 6.000 euros, dambos integraos nuna Rede de Museos Etnográficos que vamos siguir atendiendo con preferencia y potenciando. 

Los diferentes museos y centros espositivos xestionaos pola Sociedá Pública de Xestión y Promoción Turística y Cultural, van recibir en xunto 4.086.774 euros, colos que se garantiza la continuidá d'espacios de la relevancia del Muséu del Xurásicu, el Muséu etnográficu de Grandas de Salime, el Parque de la Prehistoria de Teberga, el Centru de Recepción del Prerrománicu d'Uviéu y el Centru d'Arte Rupestre Tito Bustillo de Ribeseya. va siguise apostando pola so programación variada y en continua evolución y van siguise modernizando y dixitalizando los sos conteníos, como apocayá tuvimos oportunidá de comprobar nel casu del Muséu del Xurásicu, con espacios dixitales que se van ver complementaos nel 2026 con un nuevu ámbitu inmersivu. 

Les biblioteques d'Asturies tán nel procesu d'ellaboración de la so nueva llei, que'l so anteproyectu ta en fase avanzada de tramitación previa a llegar a esta Xunta Xeneral. Va crease un sistema y una rede de biblioteques que va facer posible unir esfuerzos ente toles instituciones y entidaes responsables del so mantenimientu y van crease mecanismos que fagan posible la estensión del derechu d'accesu a servicios bibliotecarios a tolos conceyos d'Asturies independientemente de la so población. A les polítiques bibliotecaries destínense nel presupuestu del 2026 casi 1 millón d’euros, incluyendo una llinia d'ayuda conceyos p'adquisición de llibros pa les sos biblioteques por importe de 150.000 euros. Destínense importantes inversiones a les dos biblioteques de titularidá estatal, la d'Asturies y la Xovellanos, nel añu en que se va celebrar l'III Congresu de Bibliografía Asturiana.

A los archivos, otru de los pilares de les nuestres instituciones culturales, destínase 1.048.038 euros, convocándose una nueva llinia de subvenciones destinada a los conceyos pa la meyora de los centros archivísticos de la so titularidá, a la que se destinen 35.000 euros na so primer edición. Igualmente, el presupuestu del 2026 realiza un importante apueste pol Archivu Históricu d'Asturies, que celebra quince años na nueva sede de l'antigua prisión provincial d'Uviéu y que nel 2026 va realizar una importante inversión en meyores nel edificiu, tanto na so cúpula como nel muriu perimetral y na rexería histórica del mesmu, a les que se van destinar 410.000 euros. Igualmente, va dase especial atención al tratamientu documental de los fondos que mantién la institución. Asina, destínense 99.638 euros a los trabayos d'organización y descripción de fondos, que se complementen con 25.000 euros pa prosiguir col plan d'archivos municipales. 

Señoríes, el patrimoniu cultural vien siendo oxetu d'atención preferente per parte del gobiernu asturianu, como atestigüen les partíes presupuestaries que se destinen a esti fin, pasando de 3,7 millones nel 2019, a 6,18 millones, lo que supón un crecimientu del 67 %. Nel 2026 refuérzase la Dirección Xeneral cola incorporación de seis arquitectos, un inxenieru y un historiador, que van facer posible que prosiga'l procesu entamáu d'eficiencia nesti departamentu, empezáu nel 2023 cola Llei de  Simplificación Alministrativa y prosiguíu nel 2025 cola Llei Simplifica, tendentes a que los trámites énte Patrimoniu sían cada vez más áxiles y previsibles, al empar que se refuerza'l papel d'inspección y supervisión d'intervenciones con incidencia patrimonial. 

Al empar, siguirá exerciéndose la competencia en materia d'autorizaciones d'intervenciones con incidencia patrimonial que van dexar, ente otres coses, axilizar los procesos de concesión d'autorizaciones y pa facer posible un meyor siguimientu de les mesmes. Y eso, que nun ta de más recordar lo muncho que yá s'avanzó al respective y que los plazos d'emisión d'informe per parte de Patrimoniu nun dexaron de menguar dende 2020 a l'actualidá, pasando d'un plazu mediu de más de 5 meses al poco más d'un mes del 2025. 
Otru pegollu de la política patrimonial ye'l relativu al mantenimientu-restauración, fecha tanto pola mesma Conseyería como polos titulares, públicos o privaos, de bienes culturales protexíos. A esta finalidá destínense los capítulos d'inversión del programa 458D, que xuben nel 2026 a 2,2 millones d’euros. Un programa d'inversiones de Patrimoniu que, ente otres coses, va dexar avanzar en tolos planes específicos con que cunta la Conseyería y atender a tolos conxuntos de bienes asturianos inscritos na Llista de Patrimoniu Mundial de la Unesco. 

Asina, no relativo al arte rupestre paleolíticu, van acometese importantes inversiones na cueva de Tito Bustillo, que van dexar la renovación del so sistema eléctricu, retirando l'actual instalación fixa y sustituyéndola por un sistema d’iluminacion menos agresivo cola redolada de la cueva qu'atesora'l conxuntu pictóricu riosellano. A esta actuación van destinase 234.000 euros, mentes qu’otros 25.000 euros van dir pal derribu del edificiu del antiguu aula didáctica asitiáu al pie de la entrada de la cueva y que tres d'años en desusu nun cumplía nenguna función, ameyorándose con ello l’entornu inmediatu de la cueva. 

La cultura castreña asturiana vien siendo oxetu d'atención preferente pola Conseyería dende l'aprobación nel 2023 del plan de cultura castreña. Nel 2025 interviénose en castros como San Chuis, Coaña, Mohías, Antriago, El Castelo o Os Castros de Taramundi, y nel 2026 va prosiguise nesta llinia, con un presupuestu de 250.000 euros que va facer posible nueves campañes d'escavación arqueolóxica y la reapertura del aula de Coaña a empiezos del exerciciu. 

El Prerrománicu asturianu foi inscritu fai xusto agora 40 años na Llista de Patrimoniu Mundial, y vien siendo oxetu d'inversiones preferentes en tou esti tiempu. Nel 2026 destínense 380.000 euros a actuaciones yá contrataes a finales del 2025, lo que garantiza la so execución nel primer semestre del añu. Trátase de l'adecuación y restauración de sillares de La Foncalada y la construcción d'una senda peatonal ente Santa María del Naranco y San Miguel de Lliño. Igualmente, va prosiguise colos trabayos que se vienen llevando a cabu col Institutu de Patrimoniu Cultural d'España pa determinar el meyor tratamientu a aplicar na envolvente de Santullano con cuenta de protexer l'interior d'esti templu de mugores y infiltraciones, pasu previu a la proyectada futura intervención integral nes sos pintures murales, les más destacaes de l'alta Edá Media europea. 

Mantiénense y amplíen en xunto les llinies de subvenciones en materia de patrimoniu cultural, que xuben en global a 1.285.000 euros, un 343 % más qu'en 2019.
 
Concluyo esta repasada a les polítiques patrimoniales refiriéndome otra vez a la nuestra cultura tradicional, que cobra especial relevancia nel 2026 y a la que se destinen 1,7 millones, onde destaquen los nuevos premios de cultura tradicional que se van poner en marcha'l próximu añu. Y el que va ser too un acontecimientu cultural n'Asturies: la celebración del festival de Mázcara Ibérica, que per primer vegada va salir de Portugal pa celebrase na capital asturiana y entamar diverses actividaes n'otros puntos del territoriu, al que se dedica un presupuestu de 85.000 euros y que nos dexará poner en valor les nuestres propies tradiciones de mazcaraes d'iviernu que nesti momentu tán en procesu de ser declaraes Bien d'Interés Cultural, xunto al teatru popular asturianu, la nuestra cultura minera, les dances tradicionales d’Asturies o la cultura asturiana de la gaita. Verdaderos finxos na protección del nuestru patrimoniu inmaterial col que la Conseyería de Cultura tien un compromisu d'urxente salvaguarda.

Y van permitime equí volver humanizar los datos. Porque si al comienzu falábemos de María, agora podríemos falar de so padre, que tien un horru que precisa arreglos. Nel añu 2019, tenía una llinia de subvenciones dotada con una financiación de 125.000 euros. Una llinia que se resolvió a mediaos de ochobre d’esi añu y que, pola obligada execución dientro del mesmu exerciciu, dada la escasez de maestros carpinteros, podía pasar que pudiera llevar a términu la obra pa la que pidió financiación. Anguaño cunta con una llinia de subvenciones dotada de 450.000 euros, que se convoca por anticipáu de gastu a finales d’añu de tal manera que yá conoz prácticamente nel primer semestre, la so financiación lo que favorez la contratación de los especialistes necesarios. Pero amás, dende esti 2025, pudo optar al pagu anticipáu de la subvención nel momentu de la concesión y prollongar el plazu d’execución de la obra hasta un añu dende la comunicación de la concesión.

Pero non solo eso, va poder facer usu del Proyectu Pegoyu, puestu en marcha pola Conseyería cola Asociación del Horru y la Fundación Cetemas, a los que da unes subvenciones de 30.000 y 10.000 euros respectivamente, pal reaprovechamientu de manera gratuita de pieces rescataes d’otros horros antiguos, reaprovechando asina pieces y devolviendo-yos usu, al integrales nel so bien patrimonial.

Y gracies a l'aprobación de la Llei Simplifica, qu’abre la puerta a los nuevos usos n’horros con protección inferior a la integral y que se va a concretar nel 2026 nun decretu d’usos d’horros y paneres, tamién va poder plantegar una nueva dedicación a esti valiosu exemplar del nuestru patrimoniu etnográficu y del so patrimoniu sentimental y familiar.

Porque hai mayor patrimoniu que la vida, señoríes. Por eso agora, que ye’l momentu d’afondar nel área d’Actividá Física y Deporte, facémoslo dende el convencimientu de que falamos de salú pública, d'igualdá d'oportunidaes, de cohesión social y, a última hora, del futuru d'Asturies. El deporte y l'actividá física que güei traemos a esta Cámara son la traducción económica d'una política qu'asitia a les persones nel centru y que mide'l so ésitu pola capacidá de llegar a cada conceyu, a cada club y a cada familia.

Pero déxenme empezar pol marcu xeneral. El presupuestu de la Dirección Xeneral d'Actividá Física y Deporte supera los 25 millones d'euros y representa un crecimientu históricu del 95 % al respective del 2019. Y si preguntamos a quién beneficien estes cuentes tenemos de dicir que al conxuntu de la ciudadanía asturiana, ensin esclusión. 

De primeres, beneficien a la infancia y la mocedá. Güei, 39.885 neñes y neños participen nos Xuegos Escolares del Principáu en 37 modalidaes deportives; detrás d'esi datu hai miles d'entrenamientos, lligues y xornaes xestionaes por clubes y federaciones, y una rede de conceyos que sostienen espacios y loxística. A los Xuegos Deportivos incrementamos el presupuestu hasta los 700.000 euros, reformulando amás les bases de la convocatoria pa fomentar los valores del deporte rechazando y actuando énte cualquier forma d'acosu. Pa eso, pónense en marcha nueves actes, les tarxetes negres y los premios de Deporte y Valores pa sorrayar aquellos comportamientos que se producen dientro y fuera del terrenu de xuegu que son encomiables. 

En segundu términu, a les más de 115.000 persones federaes que compiten y disfruten de la so disciplina gracies al texíu deportivo asturianu. Nelles repercute el crecimientu hasta 1.500.000 euros la financiación pa la federaciones territoriales, creciendo un 150 % dende 2019. O cuando apoyamos a los clubes d'altu nivel con 1.200.000 euros, un 300 % más nel mesmu periodu. Nel planu de les federaciones, quiero recordar tamién que disponen de 510.000 euros pa los convenios d'arbitraxe de les federaciones territoriales que participen nos Xuegos Deportivos y que ta destinada pa sufragar dichos gastos.

Y repercute tamién nes nuestres deportistes d'a l'altu rendimientu y altu nivel, pa los qu’incrementamos notablemente la financiación de los sos reconocimientos de 35.000 euros nel 2025 a 150.000 euros nel 2026. 
Quedría deteneme nuna novedá que nació nesti exerciciu y que se consolida nel 2026: la integración decisiva del deporte pa la salú. La ferramienta AsturActiva creada esti 2025 dexa que, dende atención primaria, prescríbase exerciciu físicu personalizáu, derívese de forma segura a los servicios deportivos municipales y supervísese'l siguimientu con comunicación bidireccional ente profesionales sanitarios y de la educación física. Esto ye: averar a cada persona un plan d'exerciciu acorde coles sos condiciones, coles mires de convertilo en costume saludable qu'ameyora calidá de vida y reduz riesgos asociaos al sedentarismu.

AsturActiva ta implantada yá n'ocho conceyos, Castropol, El Franco, Grau, Xixón, Samartín del Rei Aurelio, Siero, Santalla d'Ozcos y Gozón. P’apoyar y estender estes unidaes, el presupuestu del 2026 crea una partida específica dotada con 100.000 euros, dirixida a financiar los gastos asociaos al programa como pue ser los profesionales colexaos qu'acompañen a les persones derivaes tres de la prescripción. Con esta ferramienta, Asturies asítiase a la vanguardia na integración ente salú y deporte, y failo con una mirada humana: cada persona recibe un plan adaptáu, supervisáu y seguru.

Y el deporte ye tamién igualdá. Cada vez que financiamos programes de muyer y deporte, qu'abrimos rutes pa qu'haya más entrenadores, más árbitres y más directives y cada vez que visibilizamos a les nuestres deportistes, combatimos estereotipos y abrimos oportunidaes. Nos presupuestos pal próximu añu reforzamos les Xornaes de Muyer y Deporte, la Mesa del Deporte Practicáu por Muyeres o los Premios ‘Xugamos pola Igualdá’ con una dotación de 30.000 euros onde muyeres de diferentes ámbitos deportivos reciben hasta 5.000 euros; y ponemos en marcha una llinia específica de conciliación pa deportistes, árbitres y entrenadores dotada de 50.000 euros. 

Y la igualdá tien, amás, una dimensión indixebrable: l'accesu al deporte con independencia de les capacidaes físiques. El Centru de Tecnificación de Natación Adaptada del Principáu d'Asturies, asitiáu nel Polideportivu Juan Carlos Beiro, trabaya yá con un grupu de deportistes con discapacidá y en 2026 va ampliase al complexu d'El Cristu, n'Uviéu. Esti impulsu acompáñase d'una aportación a FEDEMA de 30.000 euros y de la inclusión de los sos deportistes nos servicios d’apoyu de clases, psicoloxía y fisioterapia. Porque falar d'inclusión ye dotar recursos concretos, profesionalizar l'acompañamientu y abrir itinerarios reales de práctica y competición. 

Dende otra perspectiva, pero col mesmu convencimientu, el deporte ye un importante xenerador emplegu directu y indirectu y ye palanca d'encantu turísticu. Por eso alzamos la llinia de subvenciones a eventos deportivos hasta 350.000 euros nel 2026. La comparación con 2019 ye considerable: pasemos de 57.000 euros a 350.000, un aumentu del 500 %. Na última convocatoria resuelta, más de 50 eventos en 20 conceyos diferentes del Principáu beneficiáronse d'esti apoyu. Falamos de carreres de monte, pruebes acuátiques, torneos de base y cites d'altu nivel qu'enllenen hoteles, restoranes y comercios, qu'enseñen Asturies al mundu y que, sobremanera, averen l'actividá física a la ciudadanía nel so propiu entornu.

Señoríes, con estes cuentes curiamos tamién el nuestru deporte tradicional asturianu. La llinia de fomentu d'esti deporte pasa nel 2026 a 50.000 euros —frente a los 18.000 del 2019— y súmase la subvención específica a la Federación Asturiana de Bolos, qu'alcanza los 50.000 euros en 2026. En conxunto, 100.000 euros, cuatro veces más qu'en 2019, pa protexer el nuestru patrimoniu y la nuestra identidá.

Y de la mesma que les instituciones culturales constitúin la garantía de los derechos culturales, los equipamientos deportivos faen lo propio col derechu esencial a practicar actividá física y deporte. Por ello, el programa presupuestariu d'Instalaciones Deportives xube a más de 11,5 euros. Si comparamos con 2019, el programa crez casi un 85 % nun apueste claru por equipamientos como espacios de salú, competición, valores y disfrute activu.

Señores, la nuestra política deportiva tien enforma que ver cola igualdá d'oportunidaes. El deber del Gobiernu ye garantizar qu'una neña, un neñu o una persona adulta, viva onde viva y tenga la situación económica que tenga, pueda aportar a una práctica deportiva digna. Eso significa sostener instalaciones públiques, ayudando a los conceyos y especialmente a los que menos recursos tienen. Por eso, nel 2026, cuadruplicamos la financiación pa infraestructures deportives en conceyos de menos de 10.000 habitantes, que pasa de 50.000 a 200.000 euros. Amás, el presupuestu del 2026 contempla 600.000 euros pa un campu de fútbol nel conceyu d'El Franco, que va dexar a la zona noroccidental d'Asturies disfrutar d'instalaciones d'última xeneración; una demanda de los clubes de la zona que'l Principáu escuchó y atiende con fechos.

Y falando de les infraestructures deportives, señalar tamién les partíes dedicaes a les estaciones invernales y de monte: 2.330.000 euros pa Fuentes d'Iviernu y 5.265.755 euros pa Valgrande–Payares. Nel casu en Valgrande–Payares, les inversiones aumenten hasta 1,4 millones d'euros nel 2026, impulsaes polos proyectos de Fondos de Transición Xusta pa los trabayos de la Fase II, va sirvir pa modernizar una estación que ye motor económicu del conceyu de L.lena y del Valle del Caudal. A la vista ta l'esfuerzu y el compromisu coles estaciones de monte, prueba d'ello son los casi 10 millones d'euros invertíos na telecabina de Valgrande–Payares. Tamién cuando se mantién la conxelación de los precios per sestu añu consecutivu, siendo de les estaciones más barates d'España. 

Los presupuestos son el meyor reflexu del compromisu del Principáu con estes estaciones, enfocaes cada vez más —y de manera responsable énte'l cambiu climáticu— n'actividaes fuera de la temporada ivernal. Por eso tamién, como yá anunciamos nesta Cámara, llueu va salir a esposición pública'l proyectu d'aprovechamientu integral y sostenible del dominiu esquiable de Fuentes d'Iviernu y el so estudiu d'impactu ambiental, que va dexar facer realidá inversiones demandaes y xustes, qu'ensin esi estudiu nun seríen posibles.

La política deportiva del sieglu XXI enfréntase inevitablemente al retu del cambiu climáticu. Les nuestres estaciones de monte y les nuestres instalaciones avancen n'eficiencia enerxética y en diversificación d'usos; la modernización de Valgrande–Payares y Fuentes d'Iviernu, la meyora d'El Cristo y Tresona, y l'adecuación de Brañagallones formen parte d'esa fueya de ruta. L'apueste por actividaes fuera de la temporada invernal nes estaciones nun ye solo prudente, ye intelixente y necesaria; y el desarrollu de Fuentes d'Iviernu ye una pieza clave, por exemplu, pa garantizar sostenibilidá, calidá y competitividá. De la mesma qu'invertir en deporte y na práctica d'actividá física ye invertir en salú y en calidá de vida pa los que tamos y pa les xeneraciones del porvenir.

Señoríes, como ven, falamos de polítiques, como decía al comienzu, feches por y pa persones que respuenden a una estratexa empezaba nel 2019 y que va siguir más allá del 2026, frutu d’una reflexón fonda y de la escucha. Que constitúin un proyectu políticu sólidu que cree na cultura y na actividá física y el deporte como bienes esenciales que tenemos de garantizar. Y la so única garantía, señores diputaos y diputaes, ye per aciu de la negociación, l’acuerdu y l’apoyu a una llei de presupuestos. Creo que na propuesta que-yos presentamos hai munches y poderoses razones pa facelo y una motivación irrenunciable que ye meyorar la vida y el futuru de la nuestra sociedá. 

Munches gracies.