null L'Hospital Universitariu de Cabueñes entrega mañana los XXIX Premios d'Investigación del área sanitaria V
27 de noviembre de 2019
Mientres la xornada, el doctor Fernando López Álvarez va impartir la conferencia Investigación biomédica. De los primeros pasos al currículum

L'Hospital Universitariu de Cabueñes va acoyer mañana la entrega de los Premios d'Investigación 2019 del área sanitaria V (zona de Xixón) nes categoríes de división médica, d'enfermería y de xestión.

Nesta ocasión, presentáronse más de mediu centenar de trabayos: 13 de la división médica, 17 d'enfermería y 20 del área de xestión. Mientres l'actu de mañana, a partir de les 13:30 hores nel Hospital de Cabueñes, van conocese los siete gallardonaos.

La xornada va completase con una charra de Fernando López Álvarez, especialista n'otorrinolaringoloxía y ciruxía de cabeza y pescuezu del HUCA, sobre Investigación biomédica: de los primeros pasos al currículum vitae. Va tar acompañáu pola xerente del área sanitaria V, Begoña Martínez Argüelles; el director de la Fundación pa la Investigación Biosanotaria d'Asturies (FINBA), Enrique Caso; y la directora de la Fundación de Servicios Sociales del Conceyu de Xixón, Marta Mediavilla.

El serviciu d'innovación y entamamientu del Conceyu de Xixón, Xixón Impulsa; l'Institutu d'Investigación Sanitaria del Principáu d'Asturies (ISPA) y la empresa Roche sofiten estos premios, qu'anguaño celebren la so 29 edición y busquen promocionar la investigación y la innovación nel área sanitaria.

Pa la convocatoria próxima, la comisión d'Investigación del área sanitaria V ta diseñando la puesta en marcha de delles actividaes en collaboración cola milla de la conocencia.