Cultura contará con un presupuesto de 85,6 millones para consolidar el cambio en sus políticas y modernizar el sector turístico

El presupuesto destinado a Turismo en 2023 será el más alto y ambicioso de la historia, con un crecimiento del 136% respecto a este año, según ha explicado la consejera de Cultura, Política Llingüística y Turismo, Berta Piñán, en la presentación de las cuentas de su departamento en la Junta General. En total, los fondos para este departamento crecen hasta los 85,6 millones, un 22,8% más que este ejercicio.

La Viceconsejería de Turismo contará con 30 millones, a los que se sumarán otros 26,6 en los primeros meses de 2023, procedentes de los fondos europeos Next Generation. Esta apuesta rotunda por el sector permitirá abordar su modernización y transformación, con una inversión de 16,2 millones, financiada íntegramente por los fondos europeos.

Así, el anteproyecto recoge, entre otras acciones, un plan de rutas de senderismo y cicloturismo, con una inversión de 2,1 millones, y mejoras de accesibilidad y eficiencia en el Camino de Santiago por 1,3 millones. La ampliación del Museo de Bellas Artes también se financiará con fondos europeos (905.370 euros) y se destinará un millón a la promoción del turismo industrial. Otros 800.000 euros se dedicarán a la digitalización de oficinas de información turística.

Como novedad, las cuentas incorporan dos nuevas líneas de subvenciones para apoyar obras de mejora en eficiencia energética de los alojamientos turísticos (6,3 millones) y para ayudar a los ayuntamientos a hacer más eficientes y sostenibles los albergues públicos del Camino de Santiago. La llegada del AVE a Asturias llevará aparejada una campaña promocional, dotada con un millón, y se destinarán 820.000 euros a la proyección del Camino de Santiago.

Por sectores creativos

La consejera ha subrayado el esfuerzo por “consolidar el cambio en la política cultural, que ahora se enfoca de manera más adecuada a las necesidades de cada sector y que, además, refuerza el papel de las instituciones culturales en la vida de Asturias.” Así, el presupuesto destinado a Cultura alcanza los 32,9 millones, un 44 % más que al inicio de la legislatura, y plantea diversas actuaciones y un sistema de ayudas acomodadas a la realidad de cada ámbito creativo.

En materia escénica, se prevé una inversión de 1,3 millones que incluye novedades como la creación de la Rede Teatros de Asturias (50.000 euros) y la puesta en marcha de una muestra de artes escénicas y otras disciplinas (100.000 euros). Las artes visuales contarán con 3,9 millones, que incluyen las aportaciones a los grandes centros como el Museo de Bellas Artes, LABoral Centro de Arte, Centro Niemeyer y Museo Barjola. Asimismo, se mantiene el fondo de 70.000 euros para que el Bellas Artes pueda adquirir nueva obra.

La dotación destinada a la música asturiana, excluida la transferencia a la Orquesta Sinfónica del Principado (OSPA), alcanzará los 1,4 millones y recoge aportaciones nominativas de apoyo a la Ópera de Oviedo (200.000 euros) y al coro León de Oro. El sector del libro contará con 438.000 euros.

Equipamientos y patrimonio

Cabe destacar la creación de una línea de ayudas a festivales culturales (250.000 euros) y el apoyo a la construcción de nuevos equipamientos como el Centro Cultural de Grau/Grado (450.000 euros), la Casa de la Música de Candás (1,4 millones) o la Casa Frasinelli en Corao. Igualmente, se destina una partida al proyecto Al Faro, consistente en la conversión del singular faro de Tapia de Casariego en un centro de residencias artísticas, que se llevará a cabo en colaboración con la Autoridad Portuaria de Avilés.
El programa de Patrimonio Cultural experimenta un incremento del 12,7%, hasta llegar a los 6.446.582 euros. Las actuaciones en el Prerrománico asturiano se llevarán 500.000 euros y culminará la reforma integral del edificio de acceso a Tito Bustillo (143.000 euros). Asimismo, se invertirán 300.000 euros en renovar la exposición permanente dedicada al Prerrománico en el Museo Arqueológico de Asturias. Por su parte, el plan de la cultura castreña contará con 255.000 euros para conservación y para dar continuidad a las excavaciones iniciadas este año en seis castros. Además, se pondrá en marcha el atlas virtual de la cultura castreña asturiana.

En materia de Política Llingüística, los fondos destinados a la promoción del asturiano ascienden a 2,5 millones, una cantidad que representa un 48,4% más que al inicio del mandato. El próximo año se realizarán importantes mejoras en el traductor Eslema.2 para avanzar hacia una plataforma de traducción corporativa fácilmente manejable desde los dispositivos móviles.

Destaca también el incremento de la aportación a la Universidad de Oviedo para contribuir a la puesta en marcha de la Cátedra María Xosefa Canellada, dedicada a los estudios asturianistas. A través de la Rede de Normalización Llingüística se seguirá apoyando a los ayuntamientos y se respaldará la puesta en marcha dos nuevos servicios de normalización en Cabrales y en la Mancomunidad del Valle del Nalón.

Por su parte, la Dirección General de Deporte afrontará inversiones destacadas, como la mejora integral del refugio de Brañagallones, para el que se reservan 200.000 euros, a los que se sumarán 900.000 más procedentes de los fondos de Transición Justa. Igualmente, se acometerán reformas en las instalaciones del Naranco, en Oviedo/Uviéu (300.000 euros), en el polideportivo Juan Carlos Beiro (210.000 euros) y en el complejo deportivo de Pénjamo (200.000 euros), ambos en Langreo.

El Plan Social del Deporte, financiado con fondos del Plan de Recuperación, Transformación y Resiliencia, permitirá invertir 628.000 euros en la compra de material adaptado, ayudas a clubes y federaciones para la organización de eventos en igualdad y en la puesta en marcha de campañas de sensibilización.

INTERVENCIÓN DE LA CONSEJERA DE CULTURA, POLÍTICA LLINGÜÍSTICA Y TURISMO

Presentación del proyecto de presupuestos para 2023

Comparezo énte ustedes pa presentar el proyectu de presupuestu pal 2023 de la Conseyería de Cultura, Política Llingüística y Turismu, que ye de 85.621.801 euros, un 22,8 % más que l’últimu exerciciu. Acompáñenme la viceconseyera de Turismu, Graciela Blanco; el director xeneral de Cultura y Patrimoniu, Pablo León; el director xeneral de Política Llingüística, Antón García; la directora xeneral de Deporte, Aida Nuño, y la secretaria xeneral técnica de la Conseyería, Andrea Suárez.

Turismu
Quiero empezar detallando’l programa 751A, de “Coordinación y Promoción del Turismu”, qu’algama nel proyectu de presupuestos pal 2023 un total de 30.351.673 euros, lo que supón una medría de 17.491.789 euros y, en términos porcentuales, del 136 % al respective del presupuestu 2022. Un presupuestu históricu, tresformador, que nos van dexar avanzar con pasu firme na construcción del modelu turísticu pa los diez años que vienen, d’alcuerdu cola nuestra Estratexa Turística d’Asturies 2020/2030, convirtiendo el turismu nun impulsor importantísimu y sostenible de la economía y la sociedá asturiana.

El presupuestu del 2023 cuasimente triplica’l del añu 2022, y el motivu principal ye la incorporación de los fondos europeos, fondos provenientes del Plan de modernización y competitividá del Sector Turísticu. Los fondos MRR van dexanos, yá nos tan dexando de fechu, facer más, llegar más lloñe y facelo en menos tiempu.
Gracies a estos fondos tamos llogrando estender más acciones, en más territorios y con mayor ambición p’ayudar a xenerar riqueza y emplegu, a favorecer l’equilibriu territorial y lluchar contra la despoblación rural.

Nel 2023, por poner dellos exemplos significativos, van ellaborase los proyectos y executase obres del plan de rutes de cicloturismu y senderismu por importe de 2.170.000 euros. Tamién se van ellaborar los proyectos y les obres pa facer más sostenible, más eficiente y más accesible’l Camín de Santiago de la que pasa per Asturies por importe de 1.373.000 euros. Del mesmu mou, incluyimos l’anualidá correspondiente a les obres d’ampliación del Belles Artes, alredor de 1.000.000 d’euros amás de dos llinies de subvenciones nueve, pa financiar proyectos d’eficiencia enerxética n’agospiamientos turísticos por importe de 6.338.323 euros.

Y otra llinia dirixida a entidaes locales pa intervenir n’albergues municipales y puntos estratéxicos  con actuaciones vinculaes a eficiencia enerxética, economía circular, movilidá sostenible o conectividá alredor del Camín de Santiago, dotada con 1.000.000 euros más otra partida de 820.000 euros pa difusión del mesmu.

Otres inversiones pa les que consignamos una partida presupuestaria son el desenvolvimientu d’un plan de posicionamientu de turismu industrial con más de 1.000.000 d’euros o el plan de dixitalización de les oficines d’información turística, con una inversión de 830.000.

Pero quiero destacar que, amás de la cantidá global que figura na nuestra propuesta presupuestaria pal 2023, ayeri mesmo aprobáronse en Conferencia Sectorial los Planes de Sostenibilidá turística extraordinarios pa la Fundación Parque Históricu del Navia, Mancomunidá del Valle del Nalón, Cabrales, Gozón, Valdés y Mancomunidá Cinco Villes. Amás, hai qu’incluyir, les actuaciónes de cohesión en destín de calter autonómicu, cola mira de facilitar l’accesu a estos fondos a conceyos pequeños y con más dificultaes a la hora de desenvolver esti tipu d’inversiones.

Concretamente, el Plan Territorial 2022 tien un presupuestu de 24.800.000 euros. Si a esto sumamos que tamién ayeri s’aprobó una actuación de cohesión en destín vinculada al Plan Nacional qu’anguaño ta dedicáu al productu “enograstronomía” con cuasi 2.000.000 d’euros más, tendremos que sumar a lo llargu del añu viniente 26.600.000 euros más -que van llegar a 32 conceyos asturianos- a los 30.000.000 qu’había de mano. Como ven, un presupuestu pa turismu históricu, con marcada vocación tresformadora. (56 millones en total)

Pero tamién ye’l presupuestu qu’afianza la medría d’años anteriores, coles llines empobinaes, por exemplu, a les entidaes locales, tantu pa actividades d’interés turísticu rexonal como pa la creación d’árees especiales d’autocaravanes.

Per otru llau, un añu más contémplase una partida de 1.321.050 euros pa dar cobertura y continuidá a los dos planes ordinarios de sostenibilidá turística que yá s’aprobaron de Tinéu y Cangues d’Onís, y que se sumen a los impulsaos anteriormente n’otros conceyos.

Hai que destacar, pola so importancia, que les tresferencies a la Sociedá Pública de Xestión y Promoción Turística y Cultural del Principáu d’Asturies medren de forma importante, alredor de 4.275.000 euros: 3.075.000 correspondientes a fondos MRR pa desenvolvimientu de productu, meyora de la eficiencia enerxética d’equipamientos turísticos, el desplegue d’acciones promocionales vinculaes al Camín de Santiago o la monitorización de l’actividá turística; toes elles son acciones destinaes a dar cumplimientu a les llinies de trabayu definíes na Estratexa de Turismu 2020/2030.

Y tamién 1.000.000 pa desenvolver una estratexa específica de promoción pa rentabilizar la ufierta de conectividá en mercaos nacionales cola llegada del AVE a Asturies.

Tantu nel capítulu II, que medra 1.382.098, como nel capítulu IV con 4.175.039 de más, vamos atopanos la financiación proyectos y actuaciones con cargu a fondos europeos. Pel so llau, nel capítulu VII que nesta ocasión algama los 13.219.373 (7.259.372 euros más que nel presupuestu del 2022) quiero destacar, amás de los planes de sostenibilidá y de les partíes destinaes a entidaes locales pal desenvolvimientu de destinos intelixente y a pymes y asociaciones del sector turísticu pa la so dixitalización y modernización, esos 6.388.323 na llinia de suvenciones destinada a financiar la eficiencia enerxética en alojamientos turísticos a los que me refería enantes.

Trátase, como ven, del proyectu de presupuestu más ambiciosu que se presentare nunca nel ámbitu turísticu d’Asturies. Ye evidente que vivimos una gran oportunidá de tresformación del nuestru sector turísticu, y el fechu de coincidir nel tiempu col desplegue de la nuestra estratexa, ta dexándonos aprovechar estos fondos. Tenemos un plan y tenemos recursos económicos, lo que nos va dexar aprovechar tol nuestru potencial turísticu dende una perspectiva equilibrada y sostenible.

Cultura
En cuantes al programa presupuestariu dedicáu a la Cultura, el 455E, esti esperimenta una medría sustancial del 16 %, pasando de los 28.358.852 euros del 2022 a los 32.988.088 euros proyectaos pal 2023. Esto implica que se destinen a la cultura 4,6 millones más d’euros que nel exerciciu 22, rematándose d’esta manera una llexislatura marcada pola inversión creciente en materia cultural, ya que si comparamos col añu 2019 van destinase a la cultura 14,8 millones d’euros más.

Ye un presupuestu ambiciosu col que queremos afianzar el cambéu na política cultural asturiana, qu’agora s’enfoca de manera más afayadiza a les necesidaes de cada sector cultural y que, amás, refuerza’l papel de les nuestres instituciones culturales na vida d’Asturies.

Empezando peles artes escéniques, pue señalase qu’esti presupuestu da respuesta a reivindicaciones vieyes del sector, como son la creación de la rede de teatros d’Asturies, pa la que se destinen 50.000 euros. Tamién se crea una muestra d’artes escéniques y otres disciplines, vinculada a Asturies, Cultura en Rede dotada con 100.000 euros que va facer posible que los programadores culturales y el públicu en xeneral conozan les novedaes de la programación de los distintos circuitos.

El propiu circuitu d’artes escéniques de Cultura en Rede vuelve a aumentar la dotación, que llega a los 450.000 euros. Otra manera, afiánzase la subvención a empreses del sector escénicu, con una dotación de 100.000 euros, y xube hasta los 120.000 euros l’ayuda de producción escénica. Esti conxuntu de midíes, aparte d’otres como los patrocinios a proyectos singulares, Camín Escena Norte, Danza Xixón o Fetén, y les ayudes vinculaes a fondos MRR a la renovación d’espacios escénicos asturianos, faen xubir la inversión total en materia escénica a 1,3 millones d’euros.
 
Les artes visuales van cuntar con una dotación de 3,9 millones d’euros, nos que s’inclúin les aportaciones de la Conseyería al Muséu de Belles Artes, Llaboral Centru d’Arte, el Niemeyer y el Muséu Barjola, toos ellos grandes centros productores d’iniciatives en materia d’artes plástiques, en forma d’esposiciones temporales de pintura, fotografía, instalaciones, etc.

Afiánzase’l fondu de 70.000 euros p’adquisición d’obra d’artistes asturianos con destín a la colección permanente del Muséu de Belles Artes y destínense 100.000 euros al circuitu d’artes visuales de Cultura en Rede y otros 100.000 euros a la llinia de subvenciones a empreses d’esti sector.

A la música destínense 1,4 millones d’euros que, excluyendo l’aportación de la OSPA, se destinen a cuestiones como’l circuitu musical de Cultura en Rede, qu’aumenta’l presupuestu hasta los 200.000 euros, o a la llinia de subvenciones a empreses musicales, dotada con 100.000 euros. Tamién se destinen 200.000 euros a la temporada d’ópera d’Uviéu y va concedese pela primer vez una subvención nominativa al coru El León de Oro pa sofitar la so programación y profesionalización. Igualmente, destínense otros 1,4 millones d’euros a rematar les obres de construcción de la Casa de la Música en Candás.

El sector del llibru y la edición va cuntar con unes aportaciones directes de 438.000 euros, destinaes a acciones como’l circuitu de les lletres de Cultura en Rede, dotáu con 75.000 euros, la subvención a empreses pa proyectos editoriales y lliterarios, dotada con 70.000 euros o la subvención pa la creación lliteraria, dotada con 40.000 euros. Asina como les partides de 110.000 pa compra de llibros pa les biblioteques d’Asturies y Xovellanos y 75.000 euros na llinia de subvenciones a conceyos pa compra de llibros pa les biblioteques municipales. Pela so parte, n’otru conceptu, la Biblioteca d’Asturies va recibir 337.659 euros pa les sos actividaes y pa inversiones na meyora del so edificiu, y la Biblioteca Xovellanos otros 150.000. Prevése tamién empezar el procesu d’ellaboración del anteproyectu de la llei de biblioteques pa que pueda tar disponible pa la so aprobación la llexislatura que vien.

Tamién en cine (263.870 euros), ábrese una nueva ayuda al sector con con una dotación de 100.000 euros al tiempo que xube la subvención al Festival Internacional de Cine de Xixón, hasta los 47.870 euros.

Los presupuestos prevén midíes tresversales como son l’afitamientu del sistema de subvenciones col apueste de la llinia d’ayudes a eventos culturales singulares a desenvolver prioritariamente nel ámbitu rural, que ve aumentada la dotación hasta los 250.000 euros, y la creación d’una llinia nueva d’ayudes a festivales culturales, dotada con 250.000 euros. Tamién aumenta la llinia de proyectos culturales desenvueltos por asociaciones y entidaes ensin ánimu d’arriquecimientu, qu’algama los 125.000 euros.

Tocante a les instituciones culturales, destínense 6,1 millones a los nuestros museos, aumentando les aportaciones a la práctica totalidá d’ellos, casu del Muséu de la Minería, que llega a los 100.000 euros, el Muséu Etnográficu del Oriente, con 15.000 euros, o la rede de museos etnográficos, a la que se destinen 30.000 euros.

Van acometese obres de meyora nel Muséu etnográficu de Grandas de Salime “Pepe el Ferreiro” y prevése empezar col procesu de conversión de la histórica Casa de Frasinelli de Corao nun equipamientu vinculáu al de Belles Artes.

En cuantes a los archivos, con una apuesta decisiva en toles sos vertientes, destínense nesti programa presupuestariu un total de 480.000 euros, tantu al Archivu Históricu d’Asturies como a delles polítiques arreyaes a la protección y la xestión archivística.

Igualmente, el mio departamentu va xestionar nel 2023 delles convocatories vinculaes a fondos europeos. Asina, vamos destinar más de 475.000 euros a una llinia de subvenciones pa la meyora de los equipamientos d’artes escéniques y musicales. Otros 430.000 euros destínense a una convocatoria pa l’aceleración de les industries creatives y culturales, mentes qu’a lo llargo del añu van executase 254.993 euros d’ayudes a les sales de cine de la comunidá, por cuenta d’unes ayudes yá repartíes nel 2022. Otra convocatoria d’ayudes que se va realizar a últimos del 2022 y que se va executar nel 2023 ye la relativa a la subvención pa la meyora de la ufierta cultural n’árees non urbanes, dotada con 388.246 euros.

P’acabar, gustaríame nesti programa referime a grandes obres de construcción d’equipamientos culturales que tán en marcha y que tienen el so reflexu presupuestariu. Ye’l casu del centru cultural de Grau, al que se destinen 450.000 euros, o les actuaciones yá mentaes de la Casa de la Música de Candás y de la Casa de Frasinelli en Corao. Igualmente, destínase una partida al proyectu Al Faro, iniciativa novedosa que consistirá na conversión d’un faru tan singular como’l de Tapia nun centru de residencies artístiques, realizáu en collaboración cola Autoridá Portuaria d’Avilés.

Patrimoniu
El programa de Patrimoniu Cultural esperimenta nel 2023 una medría del 12,7 %, hasta llegar a los 6.446.582 euros, lo que supón destinar 729.823 euros adicionales a les polítiques patrimoniales. La medría de magar empezó la llexislatura ye del 42 %, lo que se traduz en que nel 2023 dedíquense al patrimoniu 2,7 millones euros más a los qu’había nel 2019.

Asina, y empezando pel Prerrománicu, los presupuestos destinen 500.000 euros p’actuaciones nos monumentos principales. Tres d’un añu nel que s’intervieno en Santuyano, Valdediós, Bendones y na redolada de los monumentos del Naranco, nel 2023 va facese lo propio en La Foncalada, la cripta de Santa Llocaya de la Catedral d’Uviéu, San Pedro de Nora y en Santuyano.

Tamién se va trabayar na habilitación d’una sienda peatonal ente San Miguel de Lliño y Santa María de Naranco y va actuase na meyora del drenáu de la parcela onde ta Santa María. A too ello, hai que sumar los 300.000 euros dedicaos a la remodelación completa del área del Muséu Arqueolóxicu dedicada al Prerrománicu.

Siguiendo col patrimoniu mundial d’Asturies, destínense 100.000 euros pa los xacimientos arqueolóxicos, incluyendo les cueves con arte rupestre paleolíticu, pa meyores de los sos sistemes de seguranza y pa intervenciones puntuales de caltenimientu. Va acometese la meyora integral de la cubierta del edificiu d’accesu a Tito Bustillo, empezada a últimos del 2022, pa la que se destinen 143.000 euros. Asina mesmo, formamos parte del Plan de Dixitalización y intelixencia artificial del Patrimoniu Prehistóricu de Cantabria y Asturies, lideráu pola cominidá cántabra y nel que nosotros participamos con una aportación inicial de 125.000 y pol que podemos llegar a recibir hasta un total de 2.000.000. Ayeri mesmo nos comunicaren qu´el plan foi aceptáu na sectorial correspondiente.

Caltiénense les subvenciones nominatives destinaes a dellos conceyos pa l’apertura al públicu de bienes arqueolóxicos. Igualmente, dispónense delles subvenciones nominatives pa sofitar investigaciones arqueolóxiques del máximu interés que se desenvuelven n’Asturies y aumenta hasta los 70.000 euros la convocatoria de subvenciones pa proyectos arqueolóxicos.

Al Camín de Santiago destínense 50.000 euros pa sofitar l’asociación nueva del Camín Primitivu, constituyida por conceyos y asociaciones d’amigos del Camín y coordínense les actuaciones con turismu que-yos recuerdo ascienden a un total ente inversión y difusión de 2.249.000 euros ensin contar la inversión del BBAA contemplada tamién nel Plan Xacobéu.

La cultura castreña sigue siendo prioritaria pal Gobiernu, nel segundu añu d’execución del Plan director de la materia, al que se destinen 255.000 euros que van dexar que sigamos actuando nuna nómina amplia de castros de toa Asturies, siguiendo col llabor empezáu a executar nel 2022 y que dexó reiniciar les escavaciones arqueolóxiques en castros como los de Mouguías, Cuaña, Degaña, Caravia, Doña Palla o San Ḷḷuis y poner en marcha un atles virtual de la cultura castreña asturiana. Tamién se va acometer nel 2023 el proyectu de meyora y reacondicionamientu integral del edificiu d’accesu al castru d’El Castriyón (Cuaña).

Nel 2023 va ponese en marcha’l plan sobre horros y paneres, destinándose a esta materia 515.000 euros nos presupuestos. Amás de sostener presupuestariamente les iniciatives yá entamaes, van destinase 100.000 euros al desenvolvimientu de les midíes concretes del plan qu’incluyen midíes de catalogación y protección llegal d’una selección d’horros o l’articulación de rutes etnográfiques y delles midíes de promoción, aparte de les correspondientes reformes llexislatives.

Un apartáu importante del presupuestu destínase a intervenciones directes de restauración, a les que se destinen 1,2 millones d’euros, y que van dexar intervenir tanto nos bienes del prerrománicu yá mentaos como n’elementos talos como les ilesies de Santa María de Zarréu en Degaña, San Pedro d’Arroxo en Quirós, La Cadellada n’Uviéu, Bustiello en Mieres, La Lloraza en Villaviciosa, Pimiango en Ribadeva, El Puente d’Arcu de Llaviana, la Torre de Soto n’Ayer o les cubiertes del monesteriu de Oubona en Tinéu, no que supón un programa d’actuación patrimonial ensin precedentes.

Afiáncense y refuércense les llinies de subvenciones de restauración. La destinada a conceyos pa bienes culturales de la so titularidá afiánzase nos 150.000 euros del 2022, mentes que la de particulares llega a los 250.000 euros. Aumenta la llinia de sofitu a l’actividá arqueolóxica, hasta los 70.000 euros, y caltiénense los 40.000 euros de la llinia nueva d’ayudes creada nel 2021 pa proyectos de difusión patrimonial, que se ve complementada cola llinia destinada a l’actividá de los archivos de tradición oral, fundamentales pol so llabor de recopilación, estudiu y difusión del patrimoniu inmaterial d’Asturies.

P’acabar, va siguise nel camín de la planificación estratéxica en materia patrimonial. A los planes yá aprobaos o a puntu de selo nesta llexislatura sobre cultura castreña y horros, van sumase otros dedicaos al románicu-góticu y los monesterios, amás d’a les cueves con arte rupestre declaraes patrimoniu mundial.

Política llingüística
Al respective del programa 422R de Promoción del asturianu, esti prevé una partida presupuestaria de 2.535.701 pal 2023. Ye una medría de más de 330.000 euros en comparanza col presupuestu del 2022, lo que supón una xuba del 14,97 %. Pero si consideramos el global d’esta llexislatura, garrando como puntu de partida’l presupuestu aprobáu del 2019, el 422R aumenta un 48,84 %, la xuba porcentual más grande nuna llexislatura en tola serie histórica de Política Llingüística. Esti aumentu ye una prueba evidente del compromisu d’esti Gobiernu, y en particular de la mio conseyería, cola llingua asturiana.

Pal 2023 hai nesti programa una continuidá na llinia presupuestaria abierta nel 2022, que tien como exes centrales promover alcuentros en favor de la normalización sectorial, como los realizaos nesti 2022, el Reguerada Fest d’empresa y cultura, el Xuntoiro pa la zona del Eo-Navia o les actividaes alredor de la Casina de la Traducción, a les que queremos dar continuidá.

Queremos que la Sociedá Pública de Xestión siga implicada na promoción del asturianu y comprometer a otros organismos de l’alministración nel fomentu del usu de la llingua asturiana.

El capítulu 2, de bienes corrientes y servicios, aumenta un 24,36 %, cuasi 100.000 euros. Destaca la medría del 33,33 % pa la partida de “Edición y difusión de publicaciones” cola mira de reforzar les publicaciones propies en xeneral, pero de manera particular les d’eonaviegu, una llingua na que menguó de manera significativa la edición de llibros nestos últimos años. Destaca tamién l’aumentu d’un 41,67 % de la partida destinada a “Estudios y trabayos técnicos”, que refuercen el llabor de traducción de l’alministración del Principáu; amás dar un impulsu a los estudios de llinguaxe alministrativu n’asturianu.

 Sicasí, ye la partida 227007, “Servicios de calter informáticu”, la que más xube nesti capítulu, con una medría del 62,5 % al respective del presupuestu del 2022 onde  queremos reforzar los trabayos empezaos nel 2022, que van dexar poner a disposición de la sociedá asturiana’l traductor castellanu-asturianu, Eslema.2, ameyoráu y actualizáu notablemente, que  trabaye con facilidá dende los teléfonos móviles y dar los pasos necesarios pa que la llingua asturiana disponga d’un corrector ortográficu automáticu y eficaz, una aspiración de siempre del sector. Al empar, va siguir trabayándose nel traductor al eonaviegu, d’esta vuelta dende dientro de la propia Dirección Xeneral.

El capítulu 4, de “Tresferencies corrientes”, ve aumentáu’l presupuestu nun 15,36 %. Quiero destacar equí una subida de 38,61 % na dotación a la Universidá d’Uviéu, cola mira d’ayudar a la puesta en marcha de la Cátedra María Josefa Canellada, de creación nueva, dedicada a los estudios asturianistes.

Esta Conseyería caltién el compromisu colos Servicios de Normalización Llingüística al traviés de la Rede de Normalización, qu’echó a andar nesti 2022 a partir del decretu de creación y puesta en funcionamientu. La inversión nestos equipamientos municipales (dexando a un llau la Universidá d’Uviéu) xube a 304.200 euros pal 2023, lo que supón un 21,95 % del presupuestu dedicáu a subvenciones nel programa 422R. Vamos zarrar la llexislatura poniendo en marcha dos servicios nuevos.

Aumenta la dotación pa premios lliterarios, previendo la puesta en marcha del premiu “Pachín de Melás” de testos teatrales, que se va convocar a lo llargo del 2023, otra reivindicación yá vieya del mundu de les lletres asturianes.
Xube nun 52,91 % la dotación presupuestaria a la Federación Asturiana de Conceyos, cola mira de reforzar y estender a un mayor númberu de conceyos los cursos del proyectu “Falamos”, el plan d’enseñanza non reglada d’adultos n’asturianu y n’eonaviegu qu’empezó con éxitu nesti 2022.

Acabo yá destacando dos novedaes que presentamos nesti capítulu 4 de tresferencies corrientes y que son les dos llinies de subvenciones pa la promoción d’actividaes n’asturianu, una destinada a empreses, dotada con 70.000 euros, y otra a asociaciones, que va tener una dotación de 50.000 euros.

Deporte
El presupuestu global pa Deporte nel 2023 supera los 17.850.000 euros una cifra na qu’hai que tener en cuenta la merma de los 10 millones dedicaos a Valgrande-Payares. Sacando esta inversión, repárase claramente en que’l presupuestu de Deporte aumenta de manera considerable.

El Programa 457A, “Fomentu y apoyu d’actividaes deportives”, esperimenta una medría del 26,14 %, llegando a los 4.276.447 euros. Esta medría encóntase en 4 llinies principales.

Per un llau, hai una xuba del 20 % de les ayudes pa la participación en competiciones d’altu nivel (pasando de 375.000 a 450.000 euros), lo que va facer posible sofitar más los clubes deportivos asturianos. Amás, el Plan Social del Deporte incluyíu nel Plan de Recuperación, Tresformación y Resiliencia dexa aumentar esti programa en 628.000 euros, repartíos ente inversión pa mercar material adaptao, ayudes a clubes y federaciones pa la organización d’eventos n’igualdá y puesta en marcha de campañes de sensibilización.

Tamién tien una medría notable (del 70 %) a la partida de “tresportes”, que va facer posible aumentar el contratu de tresportes pa que les selecciones autonómiques viaxen a los campeonatos d’España n’edá escolar, adaptándolu a los costos nuevos de combustible y faciendo posible una mayor cobertura pa les federaciones. P’acabar, medra en 50.000 la partida “Estudios, trabayos y proyectos d’investigación” pal desenvolvimientu d’un proyectu de diseñu d’una Ruta Trescantábrica.

Pasando al programa 457C “Estación ivernal y de monte Valgrande-Payares”, tenemos un presupuestu estable, un presupuestu qu’inclusive reflexa con reducciones pequeñes nes partíes de maquinaria y utillaxe, porque la inversión realizada n’instalaciones más modernes va dexar menguar gastos en caltenimientos nos remontes más vieyos que dexe compensar la xubida de precios del combustible.
El terceru de los programes incluyíos nel área de Deportes ye’l 457D “Instalaciones Deportives”, que se ve aumentáu en más d’un 27 %, pasando de 8,2 millones nel 2022 a 10,5 nel 2023. Esta medría derívase principalmente de dotaciones de partíes presupuestaries que van dexar realizar inversiones nes instalaciones deportives d’ámbitu autonómicu.

Les tresferencies corrientes caltiénense estables, colos 2,7 millones destinaos a la Sociedá Pública de Xestión y Promoción Turística y Cultural, pa la encomienda de xestión de la estación ivernal de Fontes d’Iviernu y los 235.000 euros destinaos a la Federación Asturiana de Piragüismu pa la xestión de la residencia de Tresona.

N’apartáu d’inversiones, destaquen los 300.000 destinaos a la meyora del campu de fútbol de Vallobín, 210.000 pa la renovación de la cubierta del pabellón Juan Carlos Beiro de Llangréu o los 200.000 pa l’adecuación del área de les piscines vieyes de Pénjamo. Pal proyectu de meyora integral del refuxu de Brañagallones, acútense 200.000 euros que se van ver aumentaos na cantidá necesaria gracies a los Fondos de Transición Xusta, que suponen 900.000 euros adicionales y que van dexar actuar tanto en Brañagallones como n’otres instalaciones deportives y refuxos de monte.

Pela so parte, los fondos procedentes del Plan de Recuperación, Tresformación y Resiliencia, dientro de la so componente 26, van dexar acometer obres de muncha entidá tanto nes instalaciones deportives d’El Cristo con (735.000 euros), como na residencia de Tresona con (400.000).

Estes son, en xeneral, les llinies principales del proyectu de presupuestos de la Conseyería de Cultura, Política Llingüística y Turismu que, como ven, ye ambiciosu non solo pola medría progresiva y notable de la inversión que se constata dende a lo primero d’esta llexislatura, sinón pola so voluntá tresformadora, pensáu pa llegar a tola ciudadanía d’Asturies, independiente d’onde vivan, y a tolos sectores a los que se dirixe, teniendo en cuenta la idiosincrasia diferente de caún d’ellos.

Señores diputaos y diputaes, ye esti un retu necesariu que dende la Conseyería podemos afrontar, como demuestra la execución presupuestaria del añu 2022 a fecha de 30 de payares cuando’l conxuntu de la conseyería tenía una execución del 90,41 % del crédito definitivu (en fase de disposición). Créditu qu’ascendía a más de 95 millones d’euros frente a los casi 70 millones iniciales. Asina, la Viceconseyería de Turismu tenía una execución de casi’l 98 %; la Dirección Xeneral de Cultura y Patrimoniu alcanzaba un 84 %; un 90 % la Dirección Xeneral de Política Llingüística y un 89 % la Dirección Xeneral de Deporte.

En defnitiva, pido’l so apoyu a esti proyectu porque representa un presupuestu pa toes y pa toos, o lo que ye lo mesmo, el so sofitu significa sofitar el progresu d’Asturies.

Estimándo-yos la so atención, tanto’l mio equipu como yo mesma quedamos a la so disposición pa responder toles preguntes que nos quieran formular.

*Con audios de la consejera de Cultura, Berta Piñán.